Nú kemur tað Danmark aftur um brekku, at ov lítið er brúkt uppá verjuna í nógv ár.
Nato krevur av sínum limalondum, at tey skulu brúka minst tvey prosent av bruttotjóðarúrtøkuni uppá at keypa vápn, lóður og annars halda viðlíka, men tað treytina hevur Danmark í nógv ár ikki hildið. Tí skal eyka nógv brúkast næstu árini.
Politiken skrivar, at tað eru fleiri ymsar meiningar um, hvussu raðfestast skal, men Kristian Søby Kristensen frá Center for Militære Studier við Universitetið í Keypmannahavn heldur, at tað gevur best meining at brúka ein stóran part í Grønlandi og Føroyum.
- Ein "arktis-fyrst" strategi gevur góða meining. Eystrasalt er blivið eitt Nato-hav, har Russland er púra isolerað, og har Danmark hevur lítlan møguleika at gera seg galdandi. Tað er hinvegin lætt í Arktis, har Danmark er einsamalt saman við USA í Grønlandi og Føroyum, sigur hann.
Um tú veitst okkurt, sum VP ikki veit - skriva so til vp@vp.fo
