Nógv túsund loynilig skjøl í samband við morðið á John F. Kennedy, forseta, eru nú leysgivin. Tað hendir eftir at Joe Biden, forseti, hevur givið boð um tað.
John F. Kennedy varð skotin í býnum Dallas í Texas í 1963. Almenna frágreiðingin øll árini síðani hevur verið, at hermaðurin og kommunisturin Lee Harvey Oswald einsamallur tók forsetan av døgum. Men ivi er áhaldandi sáddur um hetta í bókum, filmum og sjónvarpssendingum og í dag er tað ein almenn fatan, at allur sannleikin ongantíð kom fram.
Tað var í 1992 at kongressin gjørdi av , at almenningurin 25 ár seinni skuldi fáa atgongd til øll skjøl í málinum, um forsetin sum sat tó góðtók tað. Tá 2017 so kom kunngjørdi tásitandi forsetin Donald Trump úrvald skøl og gjørdi samstundis av, at restin skuldi almannakunngerðast so líðandi.
Um tú veitst okkurt, sum VP ikki veit - skriva so til vp@vp.fo
