Herfyri frættist, at nógvur deyður lundi var funnin, rikin á land í Spania og Portugal. Eisini á Kanarisku oyggjunum vóru fleiri deyðir lundar riknir uppá land, og nú er staðfest, at tað helst er lundi sum hoyrir heima í Norðuratlantshavi sum er endaður so langt suðri, helst í leitanini eftir føði, og har er deyður í hungri.
The Herald skrivar, at talan er um fleiri 1.000 deyðar lundar sum eru funnir á Kanarisku oyggjunum, og nú hevur lærdi háskúlin í Las Palmas kannað lundarnar nærri, og hevur staðfest, at teir eru ikki deyðir av sjúku.
Ein djóralækni, sum tosar við miðilin Canarias7, sigur, at kannaðu lundarnir hava mist heilt upp í 30% av sínum feitt- og muskulmassa, og alt bendir á, at honum hevur manglað føði, og tí er hann deyður.
Um tú veitst okkurt, sum VP ikki veit - skriva so til vp@vp.fo