Viðhvørt er tøgn besta svarið
- Dalai Lama

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Innlendis ítróttur

ÍSF: Triðja árið á rað hava Skúlaleikir vitjað kring landið, og aftur í ár hevur luttøkan vera sera góð. Næstan 2000 næmingar hava luttikið á teimum 13 undanstevnunum kring landið, og stóri landsstevnudagurin verður týsdagin 23. apríl í høllina á Hálsi í Havn. Tá fara 324 næmingar at dystast í teimum seks ítróttagreinunum, sum eru við í Skúlaleikum í ár. 

Slagorðið hjá Skúlaleikum er ”felagsskapur og rørslugleði fyri øll”, og tí snúgva stevnudagarnir seg fyrst og fremst um felagsskapin. Øll kunnu verið við, og øll hava ein leiklut á sínum liði. 

Næmingarnir heppað á floksfelagar, givið smíl og high-gives, savnað vinir úr øðrum flokkum og yvirhøvur verður stórur dentur lagdur á felagsskapin á degnum. Vælupplagdir lærarar og glaðir næmingar hava roynt seg í seks ítróttagreinum, sum eru lagaðar til skúlaítrótt. Tær eru  frælsur ítróttur, flogbóltur, badminton, rógving, kurvabóltur og rørslumegi. Parasport hevur verið størri partur av Skúlaleikum í ár, og tí hava næmingarnir m.a. runnið við og uttan bind fyri eyguni, kasta sitandi og róð stafet uttan at tosa saman.

Hvør stevna endar við, at vit heiðra dagsins hepp, besta felagsskap, og so finna vit tann flokkin, sum samða hevur klárað seg best, og sum tí skal umboða økið til landsstevnuna. 

Flokkarnir á landsstevnuni 23. apríl eru:

4. flokkar:  Eystur Kommuna, Eysturskúlin, Skúlin við Løgmannabreyt, Tvøroyrar Skúli og Vestmanna Skúli. 

5. flokkar: Keldan, Skúlin á Fløtum (d), Santa Frants Skúli (a), Skála Skúli, Skúlin í Eystur Kommunu og Vágs Skúli. 

6. flokkar: Sumbiar Skúli, Skála Skúli, Skúlin við Løgmannabreyt, Skúlin á Fløtum (b) og Skúlin í Eystur Kommunu.

Skráin fyri dagin er: 

Kl. 9.30 – 10.00: Landsstevnan byrjar í Høllini á Hálsi

Kl. 10.00 – 11.30: Skúlaleikagreinar í Høllini á Hálsi, Dansifrøi, Gundadalshøllini og á Tórsbreyt

Kl. 11.30 - 12.00: Matarsteðgur

Kl. 12.00 - 13.30: Skúlaleikagreinar Høllini á Hálsi, Dansifrøi, Gundadalshøllini og á Tórsbreyt

Kl. 13.30 – 14.00: Steypahandan og øll fáa heiðursprógv

Kl 14.00: Myndatøka av flokkunum

Øll áhugað eru vælkomin at hyggja framvið at uppliva góða huglagið.

ÍSF er stigtakari til Skúlaleikir, og aftur í ár er Betri høvuðsstuðul. Samstarvspartar eru

Barna- og útbúgvingarmálaráðið, Kommunufelagið, Fróðskaparsetur Føroya og Fólkaheilsustýrið.

Myndir frá stevnudøgunum síggjast her: 

https://skulaleikir.fo/1927-naemingar-hava-luttikid-i-skulaleikum/

Um tú veitst okkurt, sum VP ikki veit - skriva so til vp@vp.fo