Menniskjan livir sum um hon ongantíð fer at doyggja. Og doyr so uttan nakrantíð at hava livað
- Dalai Lama

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Stórtíðindi

JFK Trol: JFK Trol hevur í morgun yvirtikið Gadus á skipasmiðjuni Tersan í Turkalandi.

Ætlandi verður skipið ávegis til Føroyar fyrst í komandi viku.

Við yvirtøkuni av Gadus er allur Barentshavsflotin útskiftur, og tað er eitt nýbrot, at framyvir verður alt tikið í land. Hetta fer at hava við sær munandi virðisøking og betri úrtøku.

Gadus er gjørdur at møta teimum avbjóðingum, sum fiskivinnan setir í dag og árini frameftir.

Høvuðsmotorurin er tann nýggjasti og grønasti hjá Wartsila. Hann er 9.950 HK og tann nýggjasti “W31” hjá Wartsila og tann mest orkusparandi av medium speed motorunum.

Skipið er eisini útgjørt við einum katalysatori, soleiðis útlátið av co2 verður minkað mest møguligt.

Hjálpimotorarnir eru av slagnum Yanmar, sum eisini hava katalysatorar fyri at minkað um co2 útlátið.

Atlit eru eisini tikin til larm, tá skipið er í havn. Gadus hevur møguleika fyri landstreymi, soleiðis at alt arbeiði umborð kann gerast við landsstreymi, tá skipið liggur við bryggju.

Skipið hevur el spøl frá Brattvåg/Kongsberg. Eisini tey gera skipið grønari.

Nógv er gjørt fyri trivnaðin hjá manningini. Umborð er fitnessrúm, sauna, hitapottur og kykmyndarúm. Øll manningin hevur einakamar og íalt eru 32 kømur pluss eitt sjúkrakamar.

Nýggi Gadus er 88,1 metur langur og 18,3 metrar breiður. Skipið lastar um 1.200 tons av frystum fiski á plattum, 350 tons av fiskamjøli og umleið 120 tons av lýsi.

Kostnaðurin fyri skipið fer at liggja um 450 mió. kr.

Um tú veitst okkurt, sum VP ikki veit - skriva so til vp@vp.fo