Fyrrverandi amerikanski forsetin, Barack Obama noyðist at venja seg við tankan, at hann ikki sleppur at ferðast til Russlands. Saman við honum eru aðrir 500 amerikanskir statsborgarar, teirra millum tíðindavertir, senatorar og kongreslimir ein og limir í tankasmiðjum sum eru við til at spjaða russofobiskar áskoðanir og falstíðindi, sum russiska uttanríkisráðið hevur sagt í eini fráboðan.
Eisini stjórar í fyritøkum, sum veita vápn til Ukraina eru ímillum tey óynsktu.
Russland sigur, at hetta átakið er svar uppá líknandi átøk sum USA hevur framt ímóti Russlandi.
- Washington átti at havt lært fyri langari tíð síðani, at ikki eitt tað einasta fíggindaligt tiltak ímóti Russlandi fer at standa ósvarað, sigur russiska uttanríkisráðið.
Um tú veitst okkurt, sum VP ikki veit - skriva so til vp@vp.fo
