Endamálið við allari almannahjálp átti at verið, mest møguligt, at gjørt hjálpina óneyðuga
- Ronald Reagan

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Vinna

Suðuroyar Sparikassi: Ársúrslitið í 2021 gjørdist munandi betri enn undanfarna ár, tí fyri skatt var tað 2,6 mió. kr samanborið við 0,6 mió. í 2020.

Grundraksturin øktist úr 3,6 mió. upp í 3,7 mió. Samstundis øktist solvensurin úr 20,1 % í 2020 upp í 22,2 %. Eins og ætlað, lækkaðu innlánini við 12,2 % úr 752 mió. kr. niður í 670 mió. kr.

Sera stór framgongd var innan realkredittfígging og realkredittlánini øktust við 78 %. Hetta er 24 % av øllum 1. veðrættunum hjá Suðuroyar Sparikassa og ein tvífaldan sammett við 2020.

Útlánini lækkaðu við 4,5 % - úr 553 mió. kr. niður í 529 mió. kr, men um realkredittlánini verða tikin við í samlaðu útlánini, var samlaða økingin á útlánsøkinum 2,2 % í 2021.

"Í 2021 sóu vit, at kundarnir valdu realkreditt og við ársenda hevði Suðuroyar Sparikassi veitt 12 % av allari nýggjari realkredittfígging á føroyska marknaðinum í 2021”, sigur Søren L. Bruhn, stjóri.

Suðuroyar Sparikassin er á rættari leið, men vit eru enn í holt við at bjálva okkum til at liva upp til hørðu kapitalkrøvini í 2025. Í 2025 er – í dag kenda - lógarkravið til samlaða solvensin hjá Suðuroyar Sparikassa 20,7 %, og tí livir Suðuroyar Sparikassi longu upp til lógarkravið fyri solvensin í 2025.

Afturat hesum kemur eitt ætlað fríholt á 3,3 % stig, soleiðis at solvensmálið hjá Suðuroyar Sparikassa í 2025 er 24,0%. Hesum máli metir Suðuroyar Sparikassi seg at røkka við vanliga rakstrinum, sum er robustur.

Broytingar í nevndini eftir aðalfundin 24. mars 2022
Aðalfundurin hjá Suðuroyar Sparikassa varð hildin í gjár, 24. mars 2022. Mannbjørn Tausen stillaði ikki uppaftur eftir 15 ár í nevndini og nýggjur nevndarlimur er Jákup F. S. Olsen. Nevndin í Suðuroyar Sparikassa takkaði Mannbirni fyri hansara megnar arbeiði hesi árini.

--

Seinastu tíðina er rentan á realkredittlánum hækkað munandi og enn er ov tíðiliga at síggja avleiðingarnar av hesum. Harumframt er eisini trupult at meta um, hvørja ávirkan kríggið í Ukraina fer at hava á umheimin. Suðuroyar Sparikassi væntar, at úrslitið fyri 2022 verður positivt við á leið 2,4 - 2,9 mió. fyri skatt.

Um tú veitst okkurt, sum VP ikki veit - skriva so til vp@vp.fo