Um vit brúka lívið rætt, er tað nóg langt
- Seneca

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Krutl

Føroya Arena: Vit eru sera fegin um tann stóra áhugan og skapanarhugin, vit hava sæð í okkara navnakapping fyri Føroya Arena. Kappingin hevur víst seg at vera rættiliga væl eydnað við meira enn 50 einastandandi og hugkveikjandi navnauppskotum, ið longu eru send okkum. Hetta leggur dent á tann týdning og eldhuga, sum felagsskapurin hevur fyri okkara nýggja savningardepli.

Hóast vit hava fingið mong spennandi og ólík uppskot, leita vit framvegis eftir fleiri. Kappingin stendur opin til 1. juli 2023, so tú hevur tíð enn til at senda okkum títt uppskot. Uppskot skulu sendast til info@arena.fo. Samsýningin fyri vinnarauppskotið er 5.000 krónur.

Sama um tú hevur eina djúpgongda fatan av føroyskari mentan, kærleika til mál ella eitt hugskot, ið bara ljóðar væl, eru vit sera fegin um at hoyra frá tær.

Okkara mál er at finna eitt navn, ið er viðkomandi lokalt og samstundis í altjóða høpi.

Eingin ivi skal vera um, at henda arena er Føroya savningarstað í ítrótti, tónleiki og mentan.

Eftir innsendingarfreistina fer eitt lið av umboðum úr ymsum samfelagsbólkum og yrkisøkjum at ganga ígjøgnum øll uppskotini. Hesi umboð fara at velja tað endaliga navnið, ið best tænir endamálinum hjá arenaini og okkara føroyska samleika.

Ímeðan gongur arbeiðið við at byggja Føroya Arena sum ætlað. Í næstum fara vit at stoypa, og tað fer at geva stórhøllini form, og vit fáa ta røttu kensluna av, hvussu høllin fer at síggja út í landslagnum, og hvar hon stendur. Tíðarætlanin er óbroytt, og tað ber í sær, at um minni enn tvey ár kann høllin takast í nýtslu.

Tað verður kunngjørt í septembur 2023, hvør ið hevur vunnið navnakappingina. So halt á við at fylgja við og minst til, at tú hevur framvegis tíð til at ávirka framtíðina hjá arenaini við tínum eindømis navnauppskoti. Títt uppskot kann vera tað, ið endar við at verða navnið á Føroya nýggju stórhøll.

Lat okkum saman skapa eina ektaða ímynd av okkara felagsskapi.

Um tú veitst okkurt, sum VP ikki veit - skriva so til vp@vp.fo