Viðhvørt er tøgn besta svarið
- Dalai Lama

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Vinna

Vinnuhúsið: Tað er sera týdningarmikið, at komandi pantskipanin er so smidlig sum gjørligt, so at føroyski borgarin ómakaleyst kann sleppa av við alt sítt pant á einum staði. Tað heldur Handilsvinnufelagið, sum fríggjadagin var á hoyringsfundi í rættarnevndini í samband við uppskotið um nýggja pantskipan.

Pantnevndin við 
Fyrst í januar sendi Handilsvinnufelagið inn hoyringsskriv til Umhvørvismálaráðið í samband við uppskotið um nýggja pantskipan. Á hoyringsfundinum fríggjadagin endurtók Handilsvinnufelagið sama boðskap sum í hoyringsskrivinum. Handilsvinnufelagið tekur yvirskipað undir við uppskotinum og fegnast um at pantnevndin, ið felagið eftirlýsti í uppskotinum, nú er tikin við.

Ein effektiv skipan
Pantnevndin skal tryggja, at pantskipanin er so effektiv sum gjørligt. Í eini effektivari pantskipan liggur eisini, at skipanin til eina og hvørja tíð kann halda kostnaðin av skipanini so langt niðri sum gjørligt, ið kemur at gagna bæði vinnu og viðskiftafólkið. Handilsvinnufelagið mælir til, at pantnevndin verður mannað av teimum, sum fara at umsita pantskipanina, ið eru innflytarar, framleiðarar og sølustøð.

Hoyringssvarið hjá Handilsvinnufelagnum kann lesast: TRÝST HER

Um tú veitst okkurt, sum VP ikki veit - skriva so til vp@vp.fo