Fyrr trýtur streymur í á, enn kvinnu trýtur ráð
- Føroyskt orðatak

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Lesarin skrivar

Pensjónsaldurin er aftur á breddanum, eftir at Búskaparráðið hevur lagt heystfrágreiðingina fram.

Skotið verður upp, at hækka pensjónsaldurin heilt upp til 72 ár, so skjótt sum vit klára tað, sigur formaðurin í Búskaparráðnum og hesum er landsstýriskvinnan í fíggjarmálum ikki avvísandi fyri.

Tað kann ikki verða rætt, at leggja eftir pensjónistunum, fyri at tryggja haldførið hjá landskassanum.

Røktarstarvsfólk eru ofta niðurslitin tá tey nærkast teimum 60 árunum og sambært yvirliti frá Betri Pensjón, eru tað her, at óarbeiðsførið oftast verður staðfest. Tað er kropsliga heilt tungt, at arbeiða við røkt, og nógv stríðast við rygg og mjadnatrupulleikum, orsakað av sliti og  nógvari tyngd gjøgnum árini.

Tískil er áheitanin frá Heilsuhjálparafelag Føroya, haldið fingrarnar langt vekk frá hækking av pensjónsaldrinum hjá okkara limum!

Tá fólk eru vorðin 67 ár, skulu tey sjálvi sleppa at avgera, hvørt tey vilja gevast og njóta sítt otium ella halda áfram at arbeiða!

Mary Antonsdóttir, forkvinna
Heilsuhjálparafelag Føroya

Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.

Um tú veitst okkurt, sum VP ikki veit - skriva so til vp@vp.fo