Tað vóru føgur orð at hoyra frá formanninum í Flogbóltssambandinum, Magnusi Tausen, tá ið ið hann segði nøkur orð og heilsaði venjaranum hjá SÍ, Rajko Petrovic, sum hevði sína finalu nummar 100 - og vann hana eisini.
Rajko Petrovic kom í 2001 til Føroya at leika við Meistaradeildini hjá SÍ. Seinni gjørdist hann spælandi venjari hjá liðnum.
Í 2006 fer hann av aftur landinum, men longu í 2009 kemur hann aftur til SÍ.
Í 2010 byrjar hann at venja ungdómsliðini hjá felagnum og síðstu árini hevur hann vant øll ungdómsliðini.
Hansara ungdómsarbeiði í Sørvági hevur givið sera góð úrslit og er SÍ mest vinnandi felag í yngru deildunum.
VP ynskir Rajko Petrovic og familju til lukku og mong ár og mangar finalur framyvir.
Um tú veitst okkurt, sum VP ikki veit - skriva so til vp@vp.fo
