Russiska flogferðslan er ein av geirunum, sum er harðast raktur av revsitiltøkunum, skrivar The Moscow Times.
Sanksjónirnar av krígnum í Ukraina gera, at russisk flogfeløg ikki fáa eykalutir til flogførini.
Sambært The Insider øktist talið av álvarsomum og minni álvarsomum vanlukkum dramatiskt frá miðskeiðis í fjør, fáar mánaðir eftir at sanksjónirnar vóru settar í gildi.
The Insider heldur at økingin í vanlukkum komst av, at russiska flogferðslan var ikki fyrireikað, tá ið sanksjónirnar raktu landið.
Níggju flogfeløg góvust at flúgva í fjør. Fýra av hesum mistu loyvi at reka flúgving, skrivar russiska avísin Kommersant.
Sambært The Moscow Times vóru tað 130 álvarsamar hendingar, íroknað 28 flogvanlukkur, í 2022.
Tað er ein øking frá árinum fyri, skrivar NRK.
Um tú veitst okkurt, sum VP ikki veit - skriva so til vp@vp.fo
