Tað stendur í botni í samráðingunum ímillum Reiðarafelagið og ávíkavist Føroya Skipara- og Navigatørfelag og Maskinmeistarafelagið.

Fríggjakvøldið legði Semingsstovnurin eitt uppskot fyri Føroya Skipara- og Navigatørfelag og Reiðarafelagið, sum varð havnað, og endaði tann semingsroyndin harvið.

Viðvíkjandi semingsroyndini millum Maskinmeistarafelagið og Reiðarafelagið gjørdist greitt í samskiftinum, at partarnir stóðu sera langt frá hvørjum øðrum.

- Semingsstovnurin valdi tí ikki at leggja eitt uppskot fyri partarnar, sum man frammanundan visti, fór at verða vrakað, upplýsir Terji Sigurðsson, semingsmaður, fyri VP.