Trúgv teimum sum søkja sannleikan. Ivast í teimum, sum siga seg hava funnið hann
- Andre Gide

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Innlendis ítróttur

Flogbóltssamband Føroya: Gentir 19 hjá SÍ eru júst vorðnar føroyameistarar. SÍ leikti finaluna ímóti Mjølnir og vann 3-1.

Fyrst í mars vunnu sørvágsgenturnar eisini steypafinalurna ímóti Mjølnir, so tær eru nú greipuvinnarar.

Dysturin var sera spennandi og hartil væl leiktur til tíðir. Í 1. og 2. settið var SÍ greitt omaná. Í 3. settið kom Mjølnir sera væl frá byrjan, men sum fráleið vann SÍ leiðsluna aftur og líkt var til, at tær fóru eisini at vinna 3. settið. Eftir at Mjølnir-venjarin tók leibrá, vendi gongdin og Mjølnir vann 3. settið 26-24.

Í 4. settinum fekk SÍ skjótt greiða leiðslu, men Mjølnir kom afturíaftur. Men ikki nóg mikið, tí í seinnu helvt av settinum fleyg SÍ avstað aftur - vann aftur greiða leiðslu - og vann settið og hartil føroyameistaraheitið 25-14.

Dagsins leikari fyri SÍ varð Sólfríð Højgaard Poulsen og dagsins leikari fyri Mjølnir varð Rebekka Osberg Højsted.

Allir dystirnir síggjast á Rás 1 á Televarpinum.

Um tú veitst okkurt, sum VP ikki veit - skriva so til vp@vp.fo