Fiskamarknaður Føroya: Ísfiskalínuskipið liggur við bryggju, men fer væntandi avstað í vikuskiftinum. Tveir eru á Flemish Kap, ein er við Eysturgrønland, sjey fiska við Føroyar. Skipini á Flemish Kap og við Eysturgrønland fiska tosk, meðan tey við Føroyar fiska ein blanding av toski, hýsu, longu og brosmu. Onkur hevur eisini verið á Føroya Banka.

Streymurin er hampuligur og veðrið verður eisini brúkiligt, so vit rokna við nakað av útróðri. Bátarnir fáa mest av hýsu og so nakað av toski.

Tveir ísfiskatrolarar eru á Íslandsrygginum. Báðir landa í vikuni. Ein fiskar svartkalva, blálongu og annan djúpvatnsfisk.

Øll pørini eru til fiskarí og fáa upsa og annan hvítfisk. Fiskaríið er smáligt.

Ein trolbátur er eystanfyri og fiskar havtasku, upsa og longu. Hann landar síðst í vikuni.

Trý garnaskip fiska svartkalva og koma allir at landa í vikuni. Fiskaríið er brúkiligt.