Skrivligur fyrispurningur eftir § 52a í Tingskipanini 
Spyrjari: Magni Højgaard, løgtingsmaður 
Svarari: Eyðdis Hartmann Niclasen, landsstýriskvinna í heilsu- og orkumálum 
Evni: Rúsviðgerð

Spurningar:   
1. Hvat er støðan, tá tað kemur til rúsviðgerð í Føroyum?

2. Hevur landsstýrið kannað, um ein avrúsing kann vera almenn?

3. Hvørjar heimildir eru galdandi, tá tað kemur til substitutiónsviðgerð til fólk við meir kompleksum avbjóðingum?

Viðmerkingar: 
Tað er nógv fokus á rúsviðgerð í løtuni, og tað eru nógv onnur øki í samfelagnum, ið hava markamót her.

Vit hava í seinastu hoyrt leiðaran í psykiatriini, bæði í sjónvarpi og útvarpi, tosað um “substitutiónsviðgerð”. Tað at fara inn og hjálpa einum menniskja í kompleksum bundinskapi, har tað er sera trupult at blíva heilt rúsfríur.

Ivamál hava verið viðvíkjandi lógarheimildum og kostnaðarstøðinum, og um hvørt substitutiónsviðgerð skal vera meiri atkomulig í Føroyum.  

Vit hava javnan hoyrt, og eisini nú í seinastuni, at Føroyar eiga at hava eina almenna avrúsing, ið til dømis liggur hjá sjúkrahúsinum . Tí vil eg spyrja landsstýriskvinnuna í heilsu- og orkumálum, um nakrar ætlanir eru viðvíkjandi hesum avrúsingarviðurskiftum í Føroyum. 

Á Løgtingi, 23. oktober 2026 
Magni Højgaard