Hon eitur Denise Coates og er 52 ár. Og ongin annar persónur á bretskari jørð fær so nógv í løn sum hon.
Í fjør fekk hon 2,8 milliardir krónur í løn og vinningsbýti, ella 7,7 milliónir krónur um dagin alt árið. Og tað er met. Eisini árið fyri setti hon met, men tá fekk hon "bara" 6 mió kr um dagin.
The Guardian skrivar, at lønin hjá Denise Coates er 9.500 fer størri enn ein miðalløn í Stórabretlandi.
Á listanum yvir ríkar bretar er hon nummar 4.
Hon stovnaði í 2000 veddingarfyritøkuna Bet 365, og í dag er hetta ein av heimsins størstu fyritøkum av sínum slagi, við einum umsetningi uppá yvir 400 milliardir krónur.
Fleiri eru tó sum finnast at, tí í Stórabretlandi er bundni av eydnuspæli og ludomani ein stórur trupulleiki.
Um tú veitst okkurt, sum VP ikki veit - skriva so til vp@vp.fo