Sviar fáa færri og færri børn. Í veruleikanum hava svenskar kvinnur ikki átt so fá børn sum nú seinastu 20 árini, skrivar SVT úr tølum frá svensku hagstovuni.
Í fjør áttu svenskar kvinnur í miðal 1,52 børn. Og so lágt hevur talið ikki verið síðani 1999, sum tá var botnmet.
Serfrøðingar sum SVT hevur tosað við halda, at ein partur av orsøkini kann vera stúran fyri framtíðini.
- Kríggj, inflatión, arbeiðsloysi og kriminalitetur umframt umhvørvisdálking og politiskur ekstremitetur kunnu vera ørsøkir til, at ungir sviar hveppa seg við at byrja familju, vísir Gunnar Andersson, sum er professari í demografi við lærda háskúlan í Stokkhólmi á.
Tað hevur áður verið frammi, at føroyingar eru raskir at gera børn. Samsvarandi talið fyri føroyskar kvinnur var í 2021 ikki minni enn 2,3 børn í miðal.
Um tú veitst okkurt, sum VP ikki veit - skriva so til vp@vp.fo
