Nøkur hava etið meira enn tey hava upplivað
- úr Børkuvísum

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Politikkur

Mynd: Bjarni ÁRting Rubeksen

Mynd: Bjarni ÁRting Rubeksen

Mynd: Bjarni ÁRting Rubeksen

Mette Frederiksen hevur verið danskur forsætismálaráðharri í 3 ár.

Fólkatingsvalið er útskrivað, tí Fólkatingið ikki longur hevur álit á Mette Frederiksen.

Hon hevur eisini ført ein púra skeivan politikk.

Danski javnaðarflokkurin hevur seinastu 3 árini framt 40 skattahækkingar, sum hava lagt byrðar á privat húski uppá 11 mia. kr.

Útrokningar hjá danska Fíggjarmálaráðnum vísa, at politikkurin hjá Mette Frederiksen hevur havt við sær, at 9 út av 10 inntøkubólkum seinastu 3 árini hava fingið verri kor at liva undir.

Fyri Føroyar hevur tað stóran týdning, hvør situr sum danskur forsætismálaráðharri.

Søguliga hava javnaðarstjórnir í Danmark havt neiliga ávirkan á føroysk viðurskiftir.

Tað hevur altíð verið trupult hjá føroyskum myndugleikum at samstarva seg til góð úrslit við javnaðarstjórnir í Danmark.

Danski javnaðarflokkurin segði í síni tíð nei til yvirtøku av undirgrundini.

Hetta mál loysti borgarliga stjórnin hjá Poul Schlüter í 1992 í tøttum samstarvi við Fólkaflokkin, tá undirgrundin bleiv yvirtikin.

Vit minnast eisini hvussu Poul Nyrup Rasmussen fór við Føroyum og føroyingum í 1993 og árini eftir hetta.

Poul Nyrup Rasmussen og danski javnaðarflokkurin løgdu vertin í føroyingar, og settu so strong krøv mótvegis Føroyum undir bankakreppuni, at einir 7.000 føroyingar fluttu av landinum.

Støðan er tann sama í dag.

Mette Frederiksen sigur korta nei, at Íleggingargrunnurin fyri Føroyar verður yvirtikin, hóast hesin grunnur síðan stovnan bara hevur virkað í Føroyum. Allar rentuinntøkur, sum eru goldnar í grunnin, eru goldnar av føroyskum lántakarum.

Mette Frederiksen sigur eisini korta nei, at Føroyar kunnu fáa limaskap í altjóða handilsfelagsskapinum WTO.

Ein javnaðarstjórn í Danmark er ikki nakað fyri føroyingar. Tað besta fyri Føroyar er ein borgarlig stjórn í Danmark.

Hesum vil Fólkaflokkurin virka fyri.

Christian Andreasen

Um tú veitst okkurt, sum VP ikki veit - skriva so til vp@vp.fo