Teldusníkar hava í dag lopið á heimasíður hjá fleiri donskum sjúkrahúsum, so tær ikki eru virknar.
Ekstrablaðið skrivar, at talan er um síðurnar regionh.dk, amagerhospital.dk, bispebjerghospital.dk, bornholmshospital.dk, frederiksberghospital.dk, gentoftehospital.dk, rigshospitalet.dk, herlevhospital.dk og hvidovrehospital.dk.
Teldusníkarnir, sum kalla seg Anonymous Sudans, siga orsøkina til álopið vera koranbrenningina hjá Rasmus Paludan seinastu tíðina.
Nakað tað sama hendi heimasíðum hjá fleiri donskum floghavnum fyrr í vikuni.
Um tú veitst okkurt, sum VP ikki veit - skriva so til vp@vp.fo