Í morgin, sunnudagin, verður nógvur vindur av suðri, serliga fyrrapartin. Tað fer at regna mestsum allan dagin, men eisini verður onkur løta tá sólin sær. Hitin ímillum 7 og 10 stig.
Mándagin heldur nógvi vindurin fram, hvassur vindur ella skrið. Hann fer so líðandi úr suðri upp í vestan og síðani útnyrðing. Ælaveður og nakað kaldari, millum 5 og 7 stig.
Týsdagin batnar veðrið, tað verður eitt gul av suðri ella landsynningi, sólglottar og hitin ímillum 5 og 10 stig.
Mikudagin lot til frískan vind úr suðri upp í vestan, turt fyri tað mesta og hitin ímillum 8 og 10 stig.
Hósdagin verður gott veður, gul av vestri, seinni suðri og landsynningi, turt og sólglottar og hitin 8-10 stig.
Fríggjadagin verður ættin eystan, strúkur í vindi ella hvassur vindur, ælaveður men eisini sólglottar, hitin 8-10 stig.
Næsta vikuskifti verður ættin ímillum eystan og landnyrðing, tað verður ælaveður fyri tað mesta og tað verður nakað kaldari, niður í 4 stig um náttina og eini 8 stig um dagin.
Um tú veitst okkurt, sum VP ikki veit - skriva so til vp@vp.fo
