Spyr prestur meg her á deyðastrá, hvat eg haldi um illamann? Hetta er ikki rætta tíðin at fáa mær nýggjar óvinir
- Voltaire

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Politikkur

Tað er positivur lesnaður á heimasíðuni hjá Hagstovuni í dag, har sagt verður, at talið av teimum sum eru í fátækaváða er lægri enn undir seinastu samgongu.

Sambært tølunum hjá Hagstovuni, sum vórðu almannakunngjørd fyrr í dag, er prosentparturin av teimum, sum eru í fátækaváða farin úr 10% niður í 7,6%.

Frá 2018, tá seinasta samgonga sat við róðri, til 2019, tá verandi samgonga tók við, er procentparturin farin úr 9,9% niður í 7,7%.

Frá 2019 til 2020 er prosentparturin farin úr 7,7% og niður í 7,6%.

Ein onnur kanning, sum Hagstovan almannakunngjørdi í dag er eisini hugaligur lesnaður.

Uppgerðin vísur, at vit í dag hava eitt javnari samfelag, enn vit høvdu undir seinastu samgongu.

Í 2020 var sonevnda gini-talið 21,1 í mun til 22,0 í 2019.

Uppgerðin vísur eisini, at inntøkukbýtið er javnari í Føroyum enn í øllum hinum norðanlondunum.

Uppgerðin frá Hagstovuni vísur eisini, at ovasti fimtingurin av løntakarunum hevur 2,9 ferðir so nógv sum lægsti fimtingurin í inntøku.

Í 2019 var sama lutfall 3.

Tað vil siga, at ójavnin er minkaður seinastu árini og ikki vaksin, sum annars ført varð fram í Degi og Viku fyri umleið tveimum vikum síðani.

- Henda samgongan hevur ført ein aktivan sosialpolitik. Samgongan hevur skipað soleiðis fyri, at okkara eldru fáa meira at liva fyri, barsilsfarloyvi er hækkað upp í 52 vikur og almannaveitingar verða javnaðar, sigur Christian Andreasen, formaður í Fólkaflokkinum.

- Hesir reformar eru ein partur av frágreiðingini, hví lønarmunurin í samfelagnum er blivin minni og hettar er eisini frágreiðingin uppá, at talið av teimum, sum eru í fátækaváða, eisini er minkað seinnu árini, sigur hann.

- Lønarhækkingin á almenna abeiðsmarknaðinum, sambært nýggju sáttmálunum, sum er størsta lønarhækking seinastu mongu árini, fer eisini at muna í samlaðu uppgerðini, sigur Christian Andreasen, formaður í Fólkaflokkinum í stuttari viðmerking til VP.

Um tú veitst okkurt, sum VP ikki veit - skriva so til vp@vp.fo