Vinna
Hagstovan: Útflutningurin vaks 2,6 milliardir krónur 12-mánaðarskeiðið frá mai 2021 til apríl 2022 samanborið við undanfarna skeið.
Útflutningurin í apríl er nú gjørdur upp, og í talvuni niðanfyri ber til at síggja útflutningin seinasta 12-mánaðarskeið samanborið við undanfarna skeið.
Tað er meiri útflutt í flestøllum vørubólkum.
Laksaútflutningurin vaks hálvaaðru milliard krónur ella 43%, hóast nøgdin einans vaks 23%.
Útflutningurin av makreli er vaksin 77%.
Útflutningurin til Russlands er komin niður á 31 milliónir krónur í apríl 2022. 21 mió. kr. stava frá sølu av brennievni til russisk skip.
Um tú veitst okkurt, sum VP ikki veit - skriva so til vp@vp.fo
