Ein 67 ára gamal maður úr Litava, sum var við í einum útlendskum ferðalagi er í morgun deyður, helst av einum hjartatilburði, tá hann var á útferð í Vágum.
VP frættir, at ferðalagið, eini 40 fólk tilsamans, var á veg til gongu út á Trælanípuna, tá fólkini knappliga varnaðust, at ein manglaði. Tá tey fóru at leita, funnu tey mannin liggjandi á vegnum niðan til Miðportur í Miðvági.
Hóast lækni og sjúkrabilur vórðu boðsendir kundi skjótt staðfestast, at maðurin var deyður.
Um tú veitst okkurt, sum VP ikki veit - skriva so til vp@vp.fo