Tað eru trý sløg av fólkum. Tey sum fáa tingini at henda, tey sum hyggja at ímeðan hini fáa tingini at henda, og so tey sum undrast yvir hvat ólukkan tað var sum hendi
- Fred Clauser, neyðlendi í Eiðisflógva í 1969

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Vágatíðindi

Vága kommuna er um at koma í rasshaft av einum byggimáli, tí eini sethús eru komin at standa 90 centimetrar hægri enn tey hava loyvi til

Tað eru grannarnir sum hava klagað um húsini, sum standa Norðuri á Heiðum, við Rasmusargøtu í Miðvági.

Málið byrjar, tá grannarnir gera kommununa varuga við, at húsini standa ov høgt. Kommunan kannar málið og staðfestir, at so er.

Men tað er eitt samskiftismistak í samband við áseting av planeringshædd, sum er orsøk til feilin, og eigarin av sethúsinum hevur onga ábyrgd av tí, sigur kommunan.

Málið var fyri á kommunustýrisfundi seinasta mánadag.

Tekniski leiðarin hevur mælt teknisku nevnd til at taka avgerð um, hvørt byggingin skal lógliggerast juridiskt, sum sagt verður í fundarfrágreiðingini, ella um byggingin skal hava "fysiskar avleiðingar" sum helst merkir, at húsini mugu takast niður aftur.

Húsini eru annars innilokað og innrættingin er byrjað.

Bæði Tekniska nevnd og Fíggjarnevnd mæla á fundum 15. og 16. mars til at velja "juridisku" loysnina, sum er at broyta loyvið, so húsini kunnu standa, hóast tey eru 90 centimetrar ov høg.

Sum skilst á fundarbókini hjá býráðnum skal ein hoyring vera afturat hjá grannunum.

Um tú veitst okkurt, sum VP ikki veit - skriva so til vp@vp.fo