Bretland ávarar sínar ríkisborgarar og biður teir vera á varðhaldi um teir fara til Svøríkis í næstum, tí vandin fyri yvirgangi er nógv vaksin.
- Tað er sera sannlíkt, at yvirgangsfólk fara at leypa á í Svøríki. Álopini kunnu vera tilvildarlig og kunnu eisini vera vend ímóti støðum, har nógv ferðafólk vitja, skrivar bretska uttanríkisráðið í nýggjari ferðavegleiðing til bretskar ríkisborgarar sum ætla sær uttanlands.
- Svenskir myndugleikar hava higartil megnað at steðga ætlaðum álopum, verður lagt afturat.
Tað eru koranbrenningarnar í Svøríki sum hava elvt til nýggju hóttanina.
Eisini svenskir myndugleikar hava mælt sínum ríkisborgarum, sum eru uttanlands og ferðast, til at vera á varðhaldi.
Um tú veitst okkurt, sum VP ikki veit - skriva so til vp@vp.fo
