Fríggjadagin 27. og leygardagin 28. november 2015 verður skipað fyri listaframsýning í nýggja bygninginum hjá BankNordik í Havn.

Evnið í listaframsýningini er veðurlagsbroytingarnar, sum longu eru farnar at merkjast ymsastaðni kring heimin – og ikki minst í útnorðri. Komið verður inn á ovurnýtslu av tilfeingi, dálking, C02 útlát men eisini inn á, hvat vit kunnu gera fyri at bøta um skaðarnar, sum longu eru hendir.

Á listaframsýningini verða verk hjá m.a. hesum listafólkum sýnd fram:

Bárður Dal Christiansen, Livar Nysted, Lilliane Svøðstein, Selma Ellingsgaard, Ronja Nysted, Marita Vestergaard, Astrid Andreassen, Ole Wich, Vigdis Petersen, Rannvá Holm Mortensen og Helena Maria Weihe.

Eisini verða listaverk hjá næmingum i 4., 5., 6. og 8. flokki í Skúlanum á Fløtum sýnd fram.

Framsýningin er almenn og verður fríggjadagin 27. november frá kl. 10 til 15 og leygardagin 28. november frá kl. 13 til 16.

Stigtakarar til framsýningina eru lesandi í útbúgvingini Nordic Studies, Governance and Sustainable Management á Fróðskaparsetr Føroya Enska.