Á túrinum síðsta fríggjadag klokkan 21.20 rakti Ternan við síðuna av ferjuleguni á Gomlurætt.
Sí video upptøku sum VP hevur fingið av hendingini.
Ternan lá í 30 minuttir á Gomlurætt, so sigldi hon sum vant aftur.
VP spurdi stjóran í SSL, Niels Juel Arge, hvør orsøkin var til, at Ternan rendi á land, og sigur hann í svari, at Ternan kom inn við ov nógvari ferð.
- Neyðugar kanningar og kravdar/formligar fráboðanir blivu beinanvegin gjørdar, og eingin skaði var komin á skipið.
- Tað var tí gjørligt at sigla rutu beinanvegin eftir, at neyðugt samskifti við myndugleikarnar hevði verið, sigur stjórin í svarinum til VP.
Um tú veitst okkurt, sum VP ikki veit - skriva so til vp@vp.fo