Umhvørvisstovan hevur tikið avgerð um at veita felagi undir stovnan v/Vindrøkt loyvi til elframleiðslu úr vindorku við Gellingarklett í Hoyvíkshaganum.
Lýst varð eftir umsøkjarum til elframleiðslu úr vindorku í januar 2021, eftir at Umhvørvisstovan hevði móttikið ”open door”-umsókn frá Sp/f Vindrøkt um loyvi at framleiða el úr vindorku við Gellingarklett í Hoyvíkshaganum.
Tá freistin at søkja var úti 29. mars 2021, vóru umsóknir frá tveimum umsøkjarum komnar: Felag undir stovnan v/Vindrøkt og felag undir stovnan v/Magn.
Umhvørvisstovan er nú liðug at viðgera innkomnu umsóknirnar og hevur tikið avgerð um at veita loyvi til felag undir stovnan v/Vindrøkt, sum kundi bjóða lægsta prísin á 21,8 oyru/kWt.
Um tú veitst okkurt, sum VP ikki veit - skriva so til vp@vp.fo
