Leiðarin fyri privata russiska Wagner herin, Jevgenij Prigozjin, sigur russiska forsetanum, Vladimir Putin, beint ímóti. Hann sigur, at tað gongur alt annað enn væl á hermótinum og russiskir hermenn svimja í egnum blóði og fáa onga hjálp heimanifrá.
Hetta hendir alt ímeðan ukrainski herurin tekur seg fram í stórum í mótálopinum sum var sett í verk nakað herfyri.
Vladimir Putin, forseti, hevur hinvegin sagt, at tað gongur væl í krígnum, og tað er ukrainski herurin sum líður stór tap.
Privatir herar eru forbodnir í Russlandi, og russiskir myndugleikar nokta at hava nakað við Wagner herin at gera. Fleiri vesturlendskir miðlar hava í seinastuni skrivað um ógreiðu støðuna á russiska hermótinum.
Um tú veitst okkurt, sum VP ikki veit - skriva so til vp@vp.fo
