Ein álvarslig 'kjarnorkuhending' í hægsta váðaflokki er farin fram á eini herflotastøð í Skotlandi.

Og tað vísir seg, at hetta er ikki fyrstu ferð í nýggjari tíð. 

Tað avdúkar skotska avísin The Herald. 

Bretski sjóverjan leggur sínar kjarnorkuriknu kavbátar - harav fleiri eru vápnaðir við Trident kjarnorkurakettum - á HM Naval Base Clyde, ein tíma vestan fyri Glasgow í býnum Faslane.

Sambært The Herald vísa tøl, at ein sokallað hending í flokki A fór fram millum 1. januar og 22. apríl í ár, skrivar BT.