Tangaskipið Agioi Fanendes við umleið 300.000 tunnum av russiskum diesel hevur broytt kós uttan fyri New York. Nú gongur leiðin móti Suðuramerika.

Skipið skuldi vera eitt sjónligt tekin um avtaluna millum Donald Trump og Vladimir Putin um aftur at loyva russiskum diesel inn í USA. Men amerikanskir keyparar halda seg aftur, hóast dieselið verður boðið við avsláttri.

Sambært Wall Street Journal óttast fyritøkurnar løgfrøðiligar avleiðingar, kanningar og skaða á umdømið. Óvissa er um, hvørt fyribilsloyvið hjá Trump er í stríð við amerikanska lóggávu.

Tvey onnur tangaskip hava eisini broytt kós og sigla nú móti Egyptalandi og Suðuramerika.

Arne Lohmann Rasmussen, høvuðsgreinari hjá Global Risk Management, metir avtaluna fyrst og fremst vera súmbolska. Nøgdirnar eru so smáar, at tær nærum onga ávirkan hava havt á dieselprísirnar.