Nes kommuna: Týsdagin 16. september vórðu sperrurnar til vestara skýli á Svangaskarði reistar.

Talan er um tvey skýli, eitt eystanfyri og eitt vestan fyri Ítróttarhúsið.

Tá ið arbeiðið er liðugt, eru meira enn 300 áskoðarapláss undir taki. Hetta er eisini kravið, sum FSF setur, um vøllurin framhaldandi skal verða góðkendur til dystir í bestu deildini.

Arbeiðið, sum eftir ætlan verður liðugt móti vetri, verður gjørt av byggivirkinum KBH á Toftum.

Teknistovan í Gøtu hevur byggileiðslu og eftirlit fyri Nes kommunu.