Bakkafrost hevði eitt rakstrarúrslit á 128 milliónir krónur í triðja ársfjórðingi, samanborið við 22 milliónir sama tíðarskeið í fjør.

Sambært nýggju roknskapartølunum var rakstrarúrslitið í Føroyum 267 milliónir krónur. Í Skotlandi var hallið 140 milliónir, móti 205 milliónum í fjør.

Fyrstu níggju mánaðirnar í ár tók Bakkafrost umleið 75.000 tons av laksi í Føroyum. Tað er 24 prosent meira enn sama tíðarskeið í fjør.

Í Skotlandi darva lítil tøkumongd, lág tøkuvekt og høgir eindarkostnaðir framvegis rakstrinum. Felagið gevst nú at keypa smolt uttanífrá og fer at nýta egna smoltframleiðslu fyri at minka um lívfrøðiliga váðan.

Regin Jacobsen, stjóri, sigur, at størri smolt í Skotlandi vísa betri vøkstur og yvirliving.

Bakkafrost væntar at taka 117.000 tons í ár og 125.000 tons næsta ár.

les meira