Eitt ógvusligt morð í einum stórum amerikanskum býi er vorðið politiskt, og samstundis verða fjølmiðlarnir ákærdir fyri at hava eitt fjalt motiv fyri ikki at nevna málið.

23 ára gamla Iryna Zarutska var flýdd undan krígnum í Ukraina og hevði leitað sær skjól í USA í vónini um eina nýggja byrjan.

Men 22. august í ár varð hon dripin á veg heim frá arbeiði.

Hon sat í einum toki í býnum Charlotte í Norður Carolina, tá hon varð álopin av einum øðrum ferðafólki og stungin til deyðis.

Hetta sæst á einum vakmyndatóli, sum samferðslumyndugleikarnir í Charlotte hava almannakunngjørt tvær vikur eftir harðliga álopið.

Les meira her