Fruktseljarin Ahmed al Ahmed, sum megnaði at avmanna ein av skjúttunum, var ikki tann einasti, sum gjørdi tað.
Nú eru vitni og videomyndir komnar fram, sum vísa enn eitt hetjuligt átak.
Eitt par varð filmað, tá tey steðgaðu einum av yvirgangsmonnunum, áðrenn tey vórðu skotin og dripin. Hetta var heilt í byrjanini av yvirgangsatsóknini.
Nýggjar videomyndir vísa, hvussu ein eldri maður rennur móti tungvápnaða Sajid Akram (50).
Boris Gurman (69) megnar at ríva byrsuna úr ørmunum á yvirgangsmanninum, meðan báðir detta niður á jørðina.
Men Akram fær fatur á einum øðrum vápni og skjýtur Gurman.
Sofia (61) kemur til, men hon verður eisini skotin og dripin, sambært TV 2.
Um tú veitst okkurt, sum VP ikki veit - skriva so til vp@vp.fo
