Seinastu árini hevur verið ein øking í tilburðum av stívkrampa í USA, skrivar CNN.

Sambært amerikanska fólkaheilsustovninum vórðu 38 tilburðir funnir í 2025. Í 2015 vóru teir 29.

Stívkrampakoppsetingin verjir væl móti smittuni, men í USA eru færri, sum lata seg koppseta.

Serfrøðingar CNN hevur tosað við ávara um, at stívkrampi framvegis er ein álvarslig hóttan í USA, og óttast fyri, at fleiri eru viðbrekin fyri deyðiligu smittuni, skrivar TV2.

Amerikanski heilsu- og almannamálaráðharrin, Robert F. Kennedy Jr., hevur ein politikk sum gongur ímóti koppseting. Hann hevur skert fíggingina til koppsetingargransking og vil hava børnini at fáa færri koppsetingar.