Fiskamarknaður Føroya, ella P/F Faroe Fish Market sum felagið eitur, hevði eitt gott ár í fjør.

Eftir skatt lógu 6,3 milliónir krónur á botnlinjuni. Tað skal samanberast við 2,5 mió kr árið framman undan.

Leiðslan sigur í frágreiðingini, at hon roknar við, at raksturin frameftir fer at líkjast, og miðað verður móti eisini at fáa avlop í 2026 eru konservativu boðini.

Fiskamarknaðurin rekur uppboðssølu av fiski, bæði gólv- og telefonuppboðssølu. 

Høgni Hansen er stjóri, og hann var herfyri frammi og segði, at vegna góða úrslitið fer Fiskamarknaðurin nú at lækka gjøldini hjá teimum sum brúka marknaðin, bæði keypara og seljara, úr 0,75% niður í 0,5%.

Fíggjarstøðan javnvigar við góðum 40 mió kr og eginognin er 27 mió kr.