Í juni kemur italski veggjamálarin Edoardo Ettorre til Føroya at mála. Og tað verður onga aðrastaðni enn á Eiði, at hann fer at blæsa lív í ein deyðan vegg.

Vinfólk sum sita saman og práta. Ein persónur sum er horvin niður í telefonina. Og tær smáu gerandisløturnar, sum fólk flest ikki hugsa um.

Tað er akkurát hesar støðurnar sum Edoardo Ettorre ger til risastór veggjamálarí.

Sjálvur lýsir hann listina sum menniskjaliga, erliga og eitt sindur sarkastiska. Ja, eitt slag av spegling av modernaða lívinum.

Edoardo er heldur ikki hvør sum helst, tá vit tosa um veggjamálningar. Í 2025 valdi Street Art Cities eitt av hansara verkum sum eitt av trimum teimum bestu í heiminum.

Tað er felagsskapurin We Need Art sum hevur fingið Edoardo hendaveg og tey siga, at tey gleða seg sera nógv at bjóða honum vælkomnum til Føroya.