Í morgin verður strúkur í vindi av útsynningi, sólin sær millum ælini, lýtt, um 10 stig.

Týsdagin er hann komin yvir í landsynning, lot til frískan vind, samdrigið men fyri tað mesta turt. Hitin upp í 12 stig.

Mikudagin verður strúkur í vindi av landsynningi, samdrigið og kanska okkurt æli seint seinnapartin, hitin upp í 13 stig.

Hósdagin skrið ella stormur av suðri ella landsynningi, turt við sólglottum og hitin um 12 stig.

Fríggjadagin strúkur í vindi av suðri ella útsynningi, turt fyri tað mesta og hitin um 10 stig.

Næsta vikuskifti verður nógv regn, ættin verður fyri tað mesta vestan ella útsynningur og hitin um 10 stig.