Skúlablaðið: Í 1986 stóð Lissi Hansen við lærarapróvnum í hondini. Hugurin til læraralívið var kveiktur á bíbliuskúla, har hon, saman við øðrum, fekk smakkin av at undirvísa næmingum, sum júst vóru byrjaðir í skúlanum. 

- Tað var har í skúlanum, eg fekk ein sovorðnan brennandi hug at vera lærari. Komin heim søkti eg inn á læraraskúlan og slapp ikki inn alt fyri eitt. So arbeiddi eg eitt skifti og slapp síðani inn. Mær dámdi ótrúliga væl á læraraskúlanum, og nú eg havi verið lærari nærum alt mítt lív, veit eg ikki, hvar tíðin er farin.

Longu eftir summarfrítíðina í 1986 byrjaði hon í Argjaskúla fyri síðani at halda fram í Skúlanum á Argjahamri, tá ið hann stóð liðugur í 2011.

Les meira