»Telefonin er ikki bara ein tíðartjóvur – men ein lívstjóvur«. Tað er greiði boðskapurin hjá virðislønta Jakob Sorgenfri Kjær í fyrilestrinum KIG OP, ið byggir á bestseljandi bókina við sama heiti. Menniskjað er broytt av talgildu kollveltingini – men hvat siga granskarar um talgilda lívið? Hvussu ávirkar tað okkum? Og hvussu kunnu vit slíta okkum leys aftur? 

Í fleiri ár hevur Jakob Sorgenfri Kjær skrivað um fylgjurnar av ógvusligu talgildingini, vit seinastu árini eru farin ígjøgnum. Hann hevur uppfunnið hugtakið ”talgildi undirklassin” um tann stóra bólkin av fólki, sum missa møguleikar og rættindi, tí tey ikki eru stinn í talgilda heiminum.

Hann vísir á, at vit í dag hava eitt samfelag, ið er merkt av mistrivnaði, ið kann tengjast at skíggjanýtslu – og hann vísir á eina røð av skelkandi kanningum, ið hann hegnisliga tvinnar saman við sonnum søgum úr gerandislívinum.

Seinnu árini hevur stórt fokus verið á skíggjanýtsluna hjá børnum, men nú standa skíggjavanarnir hjá okkum vaksnu fyri skotum, tí vit – uttan at gáa um tað – í tíð og ótíð kanna telefonina. Hvat ger tað við okkum, við børnini, við parlagið og við samfelagið?

Fyrilesturin er partur av átakinum SkíggjaSunn og Nærveruvikuni, har vit leggja dent á fylgjurnar av skíggjanýtsluni og hvussu vit kunnu venda aftur til týdningarmiklu nærveruna.

Hvat: Ókeypis almennur fyrilestur við heitinum HYGG UPP! 
Hvør: Jakob Sorgenfri Kjær, virðisløtur journalistur á Politiken og høvundur
Hvar: Í Norðurlandahúsinum - og beinleiðis stroyming í Miðnámsskúlanum í Suðuroy
Nær: Mikukvøldið 21. oktober kl 19.30

Tryggja tær atgongumerki við at melda til á:
www.betri.fo/jakob 

Ummæli av fyrilestrinum: 
"Det var en vild øjenåbner. Man fik en rigtig aha-oplevelse over, hvor meget skærmen reelt stjæler af vores dybe fordybelse og nærvær i hverdagen."

"Særdeles interessant og ekstremt vedkommende formidling. Han formår at gøre et tungt, videnskabeligt emne levende, så man kigger på sit eget liv med helt nye øjne”

"Et foredrag, der efterlader en dyb taknemmelighed. Jakob leverer ikke bare løftede pegefingre, men konkrete redskaber til, hvordan vi faktisk tager kontrollen tilbage over vores tid."