Nýggj kunngerð um útbúgving til kt-supportara er lýst, og hon ásetur, at lærlingar skulu duga at nýta vitlíki, eitt nú stór málmodell, sum amboð í arbeiðinum.

Teir skulu eisini kunna meta um virðið av automatisering, verja dátur og skipanir móti álopum og finna og rætta tøkniligar feilir.

Útbúgvingin tekur hálvttriðja ár og skiftir millum verkliga læru og 48 vikur í skúla.

Til sveinaroyndina leggur lærarin villur inn í eina kt-skipan, sum lærlingurin skal finna og rætta.

Kunngerðin kemur í gildi í dag og fevnir um lærlingar, sum byrja fyrsta ella annað skúlaskeið eftir 1. august 2026.