Veðrið í morgin, mánadagin, ættin verður mest útsynningur ella sunnan, sum frálíður skrið ella stormur, regn tað mesta av degnum og lýtt, upp í eini 13-15 stig.

Týsdagin verður strúkur í vindi av útsynningi, ælaveður tíðliga og seint á degnum, men annars sær sólin, hitin um 9 stig.

Mikudagin lot uppí frískan vind av útsynningi, samdrigið og okkurt æli, hitin upp í 11 stig.

Hósdagin og fríggjadagin hvassur vindur ella skrið av vestri, fyri tað mesta skýggjað men turt og hitin úr 9 upp í 11 stig.

Næsta vikuskifti makar hann vindin aftur, niður í eitt gul vestaneftir ella av útsynningi, sunnudagin sær sólin, og hitin um 11 stig næsta vikuskifti.