Týsdagin 29. september 2026 handaði Niels Uni Dam, stjóri í Nudlavirkinum, Landsfelag Pensjónista, ein kekk, áljóðandi 40.460 fø.kr.

Tað gjørdi stjórin vegna íslendska DAS-happadráttin, sum fyri lítlum ári síðani fór í samstarv við Landsfelagið um at fáa  pensjónistar og onnur bindiáhuga runt landið frá fyrst í februar í ár og til í summar at binda ella hekla puntar í støddini 15 x 15 cm. Puntarnir vóru latnir Landsfelag Pensjónista, sum síðani savnaði teir saman og lat teir víðari til Nudlarvirkið.

Fyri hvønn puntin varð lovað Landsfelagnum kr. 10, og var peningaupphæddin oyramerkt til okkurt felags átak, føroyskum pensjónistum at frama.

Myndin er tikin uttanfyri skrivstovuna hjá Landsfelag Pensjónista á Argjum, tá stjórin á Nudlavirkinun, Niels Uni Dam, handaði nevndini í Landsfelagnum kekkin.

Aftara rað frá vinstru: Alfred Olsen og Astrid Jacobsen. Fremst frá vinstru: Johild Joensen, Maria Osen, næstforkvinna, Gunnleyg Durhuus, skrivari, og Beate L. Samuelsen, forkvinna.