Bretskir miðlar gera nógv burtur úr og hava nógvar og forkunnugar myndir av hernaðarvenjingini Lion Protector sum var í Vestmanna herfyri.

Vant varð millum annað at fara umborð á skip, kanna og taka ræði á teimum, umframt at seta hermenn á land har tað er bratt.

Endamálið var at styrkja samstarvið og førleikan at reagera skjótt í økinum millum Grønland, Ísland og Bretland. Føroyar liggja mitt í hesum strategiskt týdningarmikla øki, har russisk skip sigla til og úr Arktis, skrivar miðilin Royal Navy.

Eisini miðlarnir The National og Forcesnews skriva og hava myndir frá Lion Protector venjingini sum var herfyri í Vestmanna.