Altjóða oljuprísurin er fallin munandi. Brent-olja lækkaði 16 prosent í síðstu viku og nærum seks prosent bara mánadagin. Týsdagin var prísurin fyri tunnuna góðar 90 dollarar, tann lægsti í tveir mánaðir.

Minni ótti fyri nýggjum álopum á Iran og vaksandi oljuútboð trýsta prísin niður.

Í Føroyum er lækkingin minni. Síðani 23. oktober er bensin hjá Magn og Effo lækkað 2,8 prosent í 15,31 krónur og diesel 2,6 prosent í 16,18 krónur liturin.

Húsarhaldsoljan er lækkað 3,3 prosent. Túsund litrar kosta nú 13.525 krónur – 463 krónur minni enn 23. oktober.