Tá danska matvørueftirlitið 30. september í fjør kannaði korngoymsluna hjá Danish Agro í Dalmose, funnu eftirlitsfólk rottulort í reinsaðum korni. Í kjallaranum í einari høll lógu umleið tíggju deyðar mýs. Tá var korn longu farið av goymsluni til mjølframleiðslu, skrivar Politiken. Mjøl úr korni av hesi goymsluni er eisini selt í Føroyum, og Heilsufrøðiliga Starvsstovan hevur afturkallað vøruna.
Fødevarestyrelsen kravdi onga afturkalling í fjør. Stovnurin viðgongur nú, at tað var eitt mistak at taka ta avgerðina uttan fyrst at fáa serfrøðingar á Danmarks Tekniske Universitet at meta um heilsuvandan.
Valsemøllen afturkallar nú ávísar sendingar av mjøli, tí vandi er fyri blámusoppaeitri. Heilsufrøðiliga starvsstovan mælir fólki, sum enn hava mjøl úr hesum sendingum, til at lata tað aftur í handilin ella beina tað burtur.
Um tú veitst okkurt, sum VP ikki veit - skriva so til vp@vp.fo



