Summi ferðamannaskip hava bert samkyndar gestir umborð, til dømis L’Austral sum kom á Havnina 31. juni. Her vóru tey vælkomin, og gjørdu útferðir kring landið áðrenn tey, ella teir, fóru víðari dagin eftir.

Men í onkrum londum sleppa slík skip ikki at leggja at.

DR skrivar um "Scarlet Lady", sum fyrst fekk víst durafjórðingin í Turkalandi og nú eisini í havnarbýnum Alexandria í Egyptalandi.

Boðini, sum fyriskipararnir fáa, eru, at gestirnir umborð eru "kendir fyri ein atburð, sum ikki er í samsvari við okkara samfelagsbygna og moralsku virði". 

Umleið 2.000 gestir eru umborð á "Scarlet Lady" og allar neyðugar góðkenningar og loyvi vóru komin uppá pláss, áðrenn túrurin byrjaði, sigur Rich Campell  frá fyriskiparanum, sum er amerikanska felagið Atlantis Events.

- Mismunur og vantandi møguleikar sum heild hjá LGBT+ fólki og øðrum minnilutum gera nógv størri skaða enn bara tað at ein siglingarætlan hjá einum ferðamannaskipi verður broytt, sigur eitt umboð fyri tey samkyndu við CNN.