Russiski sendiharrin í Danmark, Vladimir Barbin, finst harðiga at danska stuðlinum til Ukraina, tí hann ger kríggið longri enn neyðugt. Eisini sigur hann, at danska stjórnin brúkar Russland sum ræðumynd og gevur dønum skeiva fatan av málinum. 

Orðini falla í viðtali við russisku tíðindastovuna Tass, og verða endurgivin í Danmarks Radio.

Danmark hevur síðani russiska álopið á Ukraina í 2022 stuðla Ukraina við stríðsvagnum og -flogførum eins og lóðri og venjing av herfólki.

Mált fyri hvønn íbúgva er Danmark ein av størstu stuðlunum hjá Ukraina.